Њујорк забрани рекламирање на алкохол по зградите

01/05/2019 13:56
САД– Американскиот град Њујорк забрани рекламирање алкохол на зградите кои се во сопственост на градот, а причина за тоа е дека „претераното конзумирање алкохол претставува опасност по здравјето“.

Забраната, која веднаш стапува во сила, се однесува на автобуски станици, киосци, пунктови со безжичен интернет, но не и на места каде се продава алкохол, како што се ресторани, стадиони и концертни сали.

Иста таква одлука претходно донесоа градовите Филаделфија, Сан Франциско и Лос Анџелес.

– Одлуката за забрана рекламирање алкохол на зградите во сопственост на градот се потврда на нашиот ангажман за зачувување на здравјето и одлучноста да ја заштитиме благосостојбата на сите њујорчани, изјави градоначалникот Бил де Бласио.

Тој вели дека претходните студии покажале оти изложеноста на реклами за алкохол може да ги поттикнат поединците повеќе да пијат, а евидентиран е и раст на бројот на смртни случаи предизвикани од алкохол. Во текот на 2016 година, од болести или состојби поврзани со алкохол, како што се болести на црниот дроб или возење во алкохолизирана состојба починале речиси 2.000 жители на Њујорк.

Поврзани содржини

Точно 353 балерини го соборија рекордот во „бурè“ танц на прсти
18 април во историјата – Разорен земјотрес го уништи Сан Франциско
На НАСА ѝ треба нов план за испорака на примероци од карпи од Марс на Земјата
Речиси ништо не ги запира јапонските супер брзи возови – но една змија го стори тоа
17 април во историјата – Александар Дубчек, креаторот на Прашката пролет, поднесе оставка
Не е торнадо, туку густнадо. Во Србија снимена необична појава (видео)
Малиот роботски хеликоптер на НАСА ја испрати последната порака од Марс
Пет работи што не смеете да му ги кажете на вашето дете доколку се разведувате

Најчитани