Њујорк тајмс: Европа работи на алтернативен формат за преговори за Украина

Франција, Германија и Велика Британија работат на создавање свој преговарачки формат за решавање на украинскиот конфликт, стравувајќи дека ќе бидат исклучени од процесот од страна на администрацијата на американскиот претседател Доналд Трамп, објави „Њујорк тајмс“ повикувајќи се на европски претставници.

Европските дипломати развиваат формат за идните разговори што би им дал приоритет на европските земји.

Париз и Берлин играат водечка улога во развивањето на заедничка позиција. Лондон, кој неодамна претрпе промена на владата, исто така разговара за тоа прашање, но е повнимателен, делумно поради загриженоста за неговите односи со Вашингтон.

Решавањето на Украина и односите со Русија се премногу важни за Европа да се потпре на САД. Европските претставници се стремат да обезбедат дека нема да се постигне договор без нивно учество. Во исто време, според извори, Европа се уште очекува сите разговори со Русија да бидат посредувани од САД, наведува весникот.