Ниту има пресуди за корупција, ниту е подобрено новинарството – оценка на ЕУ за Бугарија

Бугарија и натаму останува една од најсивите зони во Европската унија што се однесува на владеењето на правото. Во годишниот извештај на Европската комисија се наведува големата загриженост за функционирањето на Високиот судски совет и потребата да се реши прашањето за неговиот состав е од огромно значење. И во овој извештај Бугарија е критикувана дека нема доволен број правосилни пресуди за корупција на највисоките нивоа на власта.

Лобирањето и заштитата на укажувачите сè уште не се соодветно регулирани, иако постои план за решавање на ова. За време на пандемијата, ризиците од корупција беа идентификувани во специфични сектори како што се управувањето со буџетот и контролата, вклучително и и во јавните набавки.

Недостигот на јасна регулаторна рамка за да се обезбеди транспарентност во дистрибуцијата на владиното рекламирање сè уште е причина за загриженост, иако се преземени мерки во оваа насока. Постојните правни заштитни мерки за независноста на јавните медиуми постојат, но не се доволни.

Професионалното опкружување за новинарите е малку подобрено во текот на минатата година, но остануваат проблемите како што се пристапот до информации од јавен карактер, условите за работа итн.