Неверојатно видео: Украинка фрла молотов коктел од автомобил врз руски тенк
Жителите на Киев, главно доброволци, ја организираат својата одбрана и ќе се обидат да им се спротивстават на руските војници. На социјалните мрежи се појави видео на кое фрлаат молотов коктел врз руски тенк – од автомобил во движење.
Видеото покажува женска рака која што го фрла молотовиот коктел додека возилото минува покрај воениот транспортер.
Во еден момент се гледа дека пламенот го зафатил и ракавот на девојката која што го фрлила, по што таа само замавнува со раката и го гаси огнот на јакната, пренесува Дневник.хр.
Претходно беше објавено дека на пунктовите, каде се проверуваат возила, луѓето се поздравуваат со „Слава на Украина“, а тие одговараат со „Слава на хероите“.
Десетици доброволци пристигнаа со автобуси и поставија стратешка одбранбена станица во областа Оболон во северниот дел на Киев, каде веќе се водат жестоки борби. Тројца доброволци поставија камуфлажна мрежа на воен тенк.
Holy shit, this is cool 🔥🔥🔥
You russkies sure you want to have a war with this nation? pic.twitter.com/aQnZDFBTDi— Illia Ponomarenko (@IAPonomarenko) February 28, 2022