„Нетфликс“ добива конкуренција од „Епл ТВ“

Новиот стриминг-сервис „Епл ТВ плус“ ќе биде пуштен во употреба за само неколку месеци, а како што стојат работите, тоа може сериозно да го разниша монополот на „Нетфликс“.

Содржината е клучна, па за таа цел „Епл“ ангажираше некои од најголемите холивудски ѕвезди – глумци, режисери и други профили од областа на забавата. Следува дел од новата понуда филмови и серии која доаѓа оваа есен…

„The Morning Show“ – ТВ-сапуница за работата и личниот живот на неколкумина водители на утринска програма, со Џенифер Анистон, Риз Витерспун и Стив Карел во главните улоги.

„See“ – Научно-фантастична апокалиптична серија со Џејсон Момоа и Алфре Вудард.

„Little America“ – Приказна за странците кои се обидуваат да го живеат својот американски сон.

„Truth Be Told“ – Крими-трилер со Октавија Спенсер, Лизи Каплан и Арон Пол.

„Servant“ – Психолошка трилер-серија на режисерот продуцент М. Најт Шајамалан.

„Hala“ – Филм за тинејџерите муслимани во САД, на режисерката Минхал Баиг.

А, тука е и документарната серија на Опра Винфри и принцот Хари за психичкото здравје, која ќе се занимава со секојдневните проблеми на обичните луѓе.