Ненадејно умре шефот на руското бродоградилиште за подморници, нема други детали

Големото руско бродоградилиште кое е специјализирано за изградба на ненуклеарни подморници соопшти дека неговиот генерален директор ненадејно починал во саботата по 11 години на функцијата, но не даде детали.

Бродоградиштето „Адмиралитет“, со седиште во Санкт Петербург, во соопштение ја објави смртта на Александар Бузаков. Тој ја водеше компанијата од август 2012 година.

Неговото главно достигнување, се вели, било зачувување и зајакнување на нарачките на бродоградилиштето за модерни ненуклеарни подморници, површински бродови и бродови за длабока вода.

Новинската агенција Тасс соопшти дека бродоградилиштето гради подобрени подморници со дизел-погон од класата „Кило“, способни да лансираат крстосувачки ракети „Калибр“.

Во април, Москва соопшти дека користела дизел подморница во Црното Море за да ги нападне украинските воени цели со „Калибр“. Бродоградилиштето соопшти дека Бузаков дипломирал во 1980 година и имал повеќе од 40 години искуство, што укажува дека бил во средината на шеесеттите кога умрел. Санкт Петербург е роден град на претседателот Владимир Путин.