Нема плата за вработените во „Улици и патишта“ – најавуваат штрајк

Вработените во градското комунално претпријатие „Улици и патишта3, најавија штрајк, за кој уште немаат одлучено кога точно ќе се одржи. Сепак, штрајкот е поради неисплатени плати, а обвинуваат дека за тоа виновни се градоначалничката на Град СКопје, Данела Арсовска, секретарот на градот Зоран Глигоров и разрешениот директор Ванчо Умленски.

 

Соопштението ви го пренесуваме во целсот:

 

„Најавен штрајк пред Собранието на Град Скопје – повторно нема плата во ЈП Улици и патишта

 

Поради лошото менаџирање на двоецот Арсовска – Глигоров преку разрешениот директор Ванчо Умленски, претпријатието повторно како и минатиот месец има сериозни проблеми со исплата на личниот доход на вработените.

Причините за ваквата состојба се следните:

 

1. Презадолжување на претпријатието кон добавувачи на материјали во износ од 240 милиони денари;

2. Неплаќање на долгот од страна на директорот, односно градоначалничката, т.е. селективно плаќање на фирми блиски до секретарот и градоначалничката;

3. Сметката е блокирана во износ од 10 милиони денари и извршни решенија во износ од 40 милиони денари кои ќе стапат на сила наредниов период;

4. Во претпријатието нема основни средства за работа како нафта, ризла, тампон, рабници. Причина за ова е не плаќањето на обврските кон добавувачите, а со тоа и испораката на материјалите;

5. Градежни машини и возила што поради погоре наведените причини се со дефекти и не се сервисираат со месеци;

 

Вработените се принудени преку штрајк да го остварат своето право на личен доход и истиот ќе биде пред Собранието на Град Скопје кога вработените ќе дојдат со целата механизација.

За почетокот на штрајкот ќе бидете дополнително информирани.”