„Не сакаат да умрат залудно“: Цел руски баталјон од Крим одбил да се бори во Украина

Извидувачкиот баталјон од Крим одби да се бори во Украина поради големи загуби и неподготвеност да „гине залудно“. Ова произлегува од наредбата на командантот на единицата за жестока опомена на командантот на баталјонот, пишува телеграмскиот канал АСТРА повикувајќи се на документот, а пренесува „Москва тајмс“.

„Одби, бидејќи има многу големи загуби. Тие не сакаат да умрат залудно“, објасни роднина на еден од војниците кој напиша извештај со кој одбива да учествува во воените дејствија. Станува збор за извидувачкиот баталјон на 127 извидничка бригада на воената единица 67606 (Крим), прецизираа роднините на војниците.

Во средината на ноември, дванаесет мобилизирани од регионот Новосибирск одбија да се борат на линијата на фронтот. „Не се согласувам да служам во напредните борбени единици поради недостаток на морална, психолошка, физичка подготовка“, рече еден од одбивачите во извештајот.

Според АСТРА, на територијата на Украина има седум подруми за чување на оние што одбиваат да се борат. Само во Заицево во регионот Луганск во ноември беа задржани околу 300 мобилизирани Руси.

„Мојот сопруг вели дека веќе ги има околу 300. Постојано се внесуваат нови луѓе. Ова е голем подрум во Домот на културата во Заицево. Се хранат еднаш дневно: еден сув оброк за 5-6 лица. Постојано се закануваат“, вели сопругата на одбивачот. Роднините не смеат да влезат во Заицево..

Според луѓе блиски до рускиот претседател Владимир Путин, тој е подготвен да жртвува колку треба војници за да ја постигне својата цел во војната со Украина, пишува „Њујорк тајмс“ во своето истражување. Една членка на НАТО ги предупреди сојузниците дека Путин е подготвен да загуби 300.000 војници убиени и ранети. Во ноември, Пентагон ги процени приближните загуби на Русија на 100.000 луѓе.

„Само размислете за тоа: Русија веќе изгуби околу 99 илјади свои војници во Украина. Еден од овие денови ќе има 100 илјади. За што? Никој во Москва нема и нема да има одговор“, изјави украинскиот претседател Володимир Зеленски.