Навална ги повика Русите на бојкот: На изборите фрлете го ливчето, напишете Навални

Јулија Навална, вдовицата на критичарот на Кремљ, Алексеј Навални, ги повика Русите да се приклучат на протестот на 17 март, денот на изборите и да гласаат против рускиот претседател Владимир Путин или да ги уништат нивните гласачки ливчиња. Навална во видеото на Јутјуб рече дека црпи надеж од големиот број луѓе кои минатата недела излегоа на погребот на нејзиниот сопруг, кој почина во арктичкиот затвор на 16 февруари. Неговиот гроб оттогаш е покриен со море од цвеќиња.

Таа ги повика Русите да се приклучат на протестот на 17 март што Навални, најистакнатата руска опозиција, го повика непосредно пред неговата смрт.

„Мора да го искористиме денот на изборите за да покажеме дека постоиме и дека нè има многу. Ние сме вистински, живи луѓе, и сме против Путин. Мора да стигнете на гласачкото мерсто тој ден во исто време, 17 март на пладне“, рече таа. Нејзиниот сопруг имал идеја дека демонстрантите на тој начин ќе го избегнат ризикот од апсење.

17 марта. Полдень. За Навального. pic.twitter.com/9fxFxt0NOY

— Yulia Navalnaya (@yulia_navalnaya) March 6, 2024

„Можете да го уништите ливчето, на него да напишете „Навални“ со големи букви“
„Што да направите следно? Изборот е ваш. Можете да гласате за кој било кандидат освен Путин. Можете да го уништите гласачкото ливче, да напишете „Навални“ на него со големи букви. Дури и ако воопшто не ја гледате смислата на гласањето, само дојдете и застанете покрај гласачкото место и потоа одете дома“.

По смртта на нејзиниот сопруг, Навална најави дека ќе ја продолжи неговата борба. Таа се појави на голем број политички настани на Запад, вклучително и Минхенската безбедносна конференција и Европскиот парламент, а се сретна и со американскиот претседател Џо Бајден. Кремљ ги отфрла тврдењата на Навална дека Путин го убил нејзиниот сопруг и одби да го коментира јавниот одговор за неговата смрт и погреб.