Научниците дадоа ново објаснување дали Стоунхенџ бил соларен календар

Англија- Стоунхенџ е едно од најпознатите историски локалитети во светот и британска културна икона, но дебатата за тоа како и зошто е изграден пред околу 5.000 години се чини дека е далеку од завршена.

Иако британскиот научник професор Тимоти Дарвил е убеден, пишува Daily Mail, дека споменикот во Вилтшир служел како соларен календар, помагајќи им на луѓето да ги следат деновите од годината, сега италијанските и шпанските експерти велат дека ова тврдење е „целосно неосновано“ и врз основа на „принудени толкувања, нумерологија и неосновани аналогии“.

Британскиот истражувач кој стои зад теоријата мисли дека големите песочнички плочи на Стоунхенџ претставуваат по еден ден во месецот, што го прави целиот локалитет огромен уред за мерење на времето. Авторите д-р Џулио Магли од Милано и професорот Хуан Антонио Белмонте од Универзитетот во Тенерифе имаат поинакво мислење.

„Стоунхенџ е неверојатно сложен споменик, кој може да се разбере само ако се земе предвид неговиот пејсаж и хронологијата на неговите различни фази низ вековите“, велат тие.

Професорот Дарвил ја нарече новообјавената проценка неоснована.

„Нивната главна поента всушност не се моите идеи, туку консензусот на египтолозите што ги цитирам во мојот оригинален труд. Лесно е да се тврди дека некој не е во право, но кои се неговите докази? И како точно го толкуваат распоредот на камењата во Стоунхенџ?“, вели британскиот истражувач.

Според професорот Дарвил, целата локација била физичка претстава за еден месец, а 30-те камења во кругот сарсен го претставувале секој ден од месецот.