Настинката на Папата Франциско не е од корона вирус

Папата Франциско, кој веќе неколку дена откажува одредени активности поради настинка, не е заразен со новиот корона вирус, објави италијанскиот весник „Ил Месаџеро“.

Портпаролот на Ватикан, Матео Бруни немаше коментар за наводите на весникот.

Папата е тестиран за корона вирус, бидејќи неговата настинка не поминува со денови, има треска и кашлица.

Тој кашлаше пред пет дена за време на миса, по што се ракуваше со десетици луѓе на плоштадот Свети Петар.

Во меѓувреме, тој откажа некои аудиенции за да закрепне.