Нападнат полицаец во Тетово

Жител на Тетово 49 годишен заврши во полициска станица на распит откако ноќеска нападнал полицаец. Нападот се случил околу 1 часот на улицата „Илинденска“ во Тетово, информира полицијата.

– Ноќеска околу 1 часот, на улица „Илинденска“ во Тетово, полициски службеници на Секторот за внатрешни работи Тетово го запреле 49-годишниот тетовец Ј.С. Тој прво одбил да се легитимира, а потоа и почнал да бега. Откако бил стигнат, Ј.С. физички нападнал еден од полициските службеници. Лицето потоа е лишено од слобода и задржан во Полициската станица Тетово за целосно расчистување на случајот, информираше портпаролот на СВР Тетово, Марјан Јосифовски.

Во статистичката евиденција на СВР Тетово се бележат околу 40-тина напади вкупно за 2018-та година. Во најголем број случаи полицајците биле вербално напаѓани и омаловажувани, а помалку се физичките напади. Граѓаните кои извршиле таков напад потоа се соочуваат со кривични пријави за спречување службено лице во вршење на службено дејствие