Највисока гостинска победа на Ливерпул во последните 134 години

Актуелниот англиски првак Ливерпул попладнево ја забележа својата највисока победа на гостински терен уште од 1896 година, совладувајќи го Кристал Палас во Лондон со 7:0 во воведниот натпревар од 14. коло во Премиерлигата.

Минамино, Мане, Хендерсон и по два пати Фирмино и Салах беа стрелци за историската победа со која Ливерпул се зацврсти на чело на табелата со шест бодови повеќе пред Тотенхем, кој има натпревар помалку.

За Ливерпул ова е највисок триумф во клупската историја во Премиерлигата, додека Јирген Клоп стана најуспешен тренер на „црвените“, откако стигна до својата 127 премиерлигашка победа и го надмина на вечната листа Шпанецот Рафаел Бенитез (126).