Најубавата раса на кучиња според златниот пресек: Ги задоволува највисоките научни стандарди

Една интересна студија во 2022 година истражувала која раса на куче е најубава во светот. Со цел да ги идентификуваат најпропорционално совршените кучиња, истражувачите користеле фотографии од 138 најпопуларни раси на кучиња и ги споредиле со познатиот златен ретривер.

Фотографиите на кучињата се користени за мерење на должината на муцката, просторот помеѓу очите, должината на главата на кучето, просторот помеѓу врвот на главата и очите и просторот помеѓу ушите.

Процентот од 100 проценти ги претставуваше совршените пропорции на златниот сооднос, односно математички најубавата раса на кучиња, а највисоката оценка ја постигна старата раса на мали живи кучиња. Тоа е Керн териер.

Керн териер е стара шкотска раса која потекнува од средниот век. Ова е мало куче, со специфичен, бушав изглед, весело и енергично. Тој лае гласно, па затоа важи за добар чувар. Имаат силен ловечки инстинкт, малку се тврдоглави, но приврзани се за сопствениците и сакаат да поминуваат време со нив. Во оваа студија, тој постигнал многу висок резултат со 88,7 проценти совпаѓање со пропорциите на златниот пресек.

Второто најубаво куче, барем ако му се верува на ова истражување, е западно шкотскиот бел териер, на сите попознат како обична вести. Оваа раса има рејтинг од 87,5 проценти. Приврзани, весели кучиња, познати се како најпријателските меѓу териерите. Сакаат да лаат и се многу активни и би било добро да имаат сопственици со авторитет.

Третото место го зазеде бордер коли, друга раса по потекло од Шкотска, со резултат од 86,7 проценти. Ова е работливо куче, наменето за да чува стада овци или говеда, затоа му треба многу активност и вежбање и не се препорачува како куќно куче. Тие се многу интелигентни и добро се согласуваат со другите кучиња.

Да потсетиме дека теоријата на златниот пресек е математички концепт кој се користи во сите сфери на животот, а најчесто во уметноста. Златниот пресек е совршена пропорција што ја има насекаде околу нас, прикажувајќи целосна хармонија. Овој концепт е воспоставен во античко време, но процвета за време на ренесансата кога уметниците, математичарите, физичарите и астрономите бараа совршенство во композициите на познатите структури.

На крајот на листата се најдоа следните три вида, окарактеризирани како „најмалку убави“, и тоа ших цу, булмастиф и француски булдог, пишува „Хералд“.