Најморничавиот хотел што некогаш постоел: Смртните случаи никогаш не се решени (фото)
Приказната за хотелот „Сесил“, кој денес официјално се нарекува „Стеј он мејн“ бидејќи се наоѓа на главната улица во Лос Анџелес, има многу морничава приказна која со години ја разгорува фантазијата на многумина.
За разлика од другите опседнети хотели каде што се „гледаат“ духови и каде можеби се случиле несреќи, „Сесил“ бил место на некои фатални несреќи кои би можеле да се окарактеризираат како мистериозни.
„Сесил“ е евтин хотел изграден во 1924 година и дизајниран како прифатливо место за престој на деловни луѓе и патници.
Беше во мода неколку децении, луѓето го сакаа, но во педесеттите почна да пропаѓа, а за тоа помогна и блиската сиромашна населба т.е. Скид Роу (дел од градот во кој живеат пијаници, бездомници, скитници…). Се претвори во мотел во кој престојуваат луѓе со сомнителен морал.
Оваа 14-катница има 700 соби, а од 2017 година зградата е под заштита на градот и е прогласена за културно богатство на Лос Анџелес.
Меѓутоа, во текот на своето повеќе од 90 годишно постоење, хотел „Сесил“ се здоби со репутација на место на ужас, каде што се случуваат необјасниви и натприродни работи.
Двајца сериски убијци, Ричард Рамирез и Џек Унтервегер, некогаш престојувале во хотелот. Рамирез, познат и како „Ноќниот демнач“, оперирал во Лос Анџелес во 1980-тите, убивајќи дури 13 луѓе пред да биде фатен. Се верува дека Унтервегер убил најмалку три проститутки за време на неговиот престој во хотелот.
Урбани мит е дека познатата „Црна Далија“, Елизабет Шорт, чие убиство во 1947 година никогаш не било разрешено, била видена како пие во барот на хотелот само неколку дена пред нејзината смрт.
Тоа е злосторство што таа година ја потресе цела Америка, бидејќи нејзиното тело беше преполовено и осакатено. Нејзиниот убиец никогаш не бил пронајден, а денес тоа е најстарото нерешено злосторство во историјата на „градот на ангелите“.
Нејзиниот случај е тема на книги, ТВ емисии и холивудски филмови, вклучувајќи ги и „Вистинските исповеди“ од 1981 година со Роберт Де Ниро и Роберт Дувал во главните улоги. Тогашниот печат ја нарече „Црна Далија“, а во 2006 година Брајан де Палма сними филм за неа под тоа име.
Приказната за студентката Елиза Лам и понатаму е онаа која привлекува најголемо внимание бидејќи таа смрт останала необјаснета до ден денес.
Телото на канадската студентка Елиза Лам беше пронајдено во резервоар за вода во хотел во 2013 година, а како стигнало таму никогаш не беше објаснето.
Елиза не е единствената која го дочека крајот на својот живот во овој хотел, тој е познат по бројните убиства, самоубиства и други злосторства кои се случуваат во него откако е изграден.
Во текот на 1930-тите, таму наводно биле убиени дури шест лица, а во 1944 година, мајка тинејџерка го фрлила своето новороденче низ прозорецот.
Уште едно нерасчистено убиство се случило во 1964 година во хотел. Во него е пронајдено телото на пензионираната телеоператорка Голди Осгуд, која пред смртта била силувана и претепана.
Нетфликс сними документарна серија токму за овој хотел – „Место на злосторството: исчезнување во хотелот „Сесил““ за случајот на Елиза Лам, која „инспирираше“ бројни онлајн детективи да се обидат да ја решат мистеријата за смртта на младата девојка на место кое со децении беше место на разни злосторства. Според извештаите, таму загинале најмалку 16 луѓе, поради што е наречен „хотел на смртта“.