Најмногу снег во Крушево и на Попова Шапка, над 60 сантиметри

Утрово во 7 часот најмногу снег има во Крушево 65 сантиметри и на Попова Шапка 64 см, следат Маврови Анови со 53 см, Ѓуриште 32 и Пожаране 23 см.

Најстудено со измерени -15 степени е на Попова Шапка и во Маврово, -13 во Берово, -11 Крушево, -9 Претор, Kрива Паланка, -8 Охрид, -7 во Битола, Прилеп и Струмица, -6 во Виница и Штип, -5 во Тетово, Гевгелија, Дојран и Демир Капија, во Скопје -3 кај Петровец и -2 на Зајчев Рид.

Според прогнозата на УХМР, времето денеска ќе биде променливо облачно и студено со умерен, а вдолж Поварадрието краткотрајно засилен ветер од северен правец. Претежно претпладне и особено во северните и централните делови повремено ќе провејува слаб снег. Максималната температура ќе достигне од -1 до 9 степени.

Во Скопје, променливо облачно и студено со услови за провејување на слаб снег, особено претпладне. Ќе дува слаб до умерен ветер од северен правец. Максималната температура ќе достигне 7 степени.