Најмалку 20 мртви во нападот на Донецк

Видеа и фотографии од Донецк во источна Украина покажуваат повеќе жртви на, како што изгледа, ракетен напад врз градот. Донецк го држат сепаратистичките сили поддржани од Русија и е главен град на т.н Народна Република Донецк (ДПР)

Видеата, геолоцирани од Си-Ен-Ен, покажуваат дека има најмалку неколку мртви на главната улица во центарот на градот, како и голем број повредени. На местото на настанот може да се забележат остатоци од тактичката балистичка ракета „Точка-У“. Сè уште не е јасно од каде потекнува и кој пукал.

„Во моментов можеме да зборуваме за најголем број цивилни жртви како резултат на еден напад“, изјави лидерот на ДПР Денис Пушилин за руската телевизија.

„Околу 20 луѓе загинаа, но бројот се ажурира“, изјави тој за Русија 24, нарекувајќи го „воено злосторство“. Тој додаде дека иако го пресретнале проектилот, тој паднал и ги усмртил луѓето кои стоеле во редот на банкоматот. Си-Ен-Ен побара коментар од украинското Министерство за одбрана.