„Најхрабрата жена на светот“: Весниците за пресудата на силувачите на Жизел Пелико

Вестите за пресудите во најголемото судење за силување во француската историја ги полнат насловните страници во Европа денес.

Откако францускиот суд осуди 51 маж за силување, обид за силување и сексуален напад на Жизел Пелико, таа им се обрати на поддржувачите, велејќи дека мисли „на непризнаените жртви, чии приказни често остануваат во сенка“. Еден од мажите беше нејзиниот поранешен сопруг, Доминик Пелико, кој беше осуден на 20 години затвор затоа што ја дрогирал Пеликот и поканил десетици мажи да ја силуваат во нејзиниот дом на југот на Франција во текот на речиси една деценија.

„Гардијан“ на насловната страница ги стави зборовите на Пелико по изрекувањето на пресудата, во кое таа рече: „Сакав целото општество да биде сведок“.

Иако вестите за пресудите не беа истакнати на сите француски насловни страници, „Либарсион“ ја цитираше и Пелико, велејќи: „Сега имам доверба“. Таа мислеше на нејзината доверба во „капацитетот на општеството да најде подобра иднина каде што сите – жени и мажи – можат да живеат во хармонија со почит и меѓусебно разбирање“.

Насловот на „Паризиен“ беше „51 coupable“, бидејќи сите обвинети беа прогласени за виновни.

Во Велика Британија, насловот на Мирор беше „Најхрабрата жена на светот“ над сликата на насмеаната Пелико.

Насловот на „Дејли експрес“ беше „Храбрата порака на Жизел за надеж по ужас“.

Во Германија, „Тагесшпигел“ го нарече резултатот „Нејзина победа против срамот“. Пелико избра да се откаже од нејзината анонимност во октомври, бидејќи „Не е за нас да се срамиме“, рече таа тогаш, „Тоа е за нив“.

„Дејли мејл“ вклучува специјално покривање на седум страници за „судењето што го згрози светот“. На насловната страница има коментар со наслов: „Елегантната Французинка со челично јадро, која стана хероина на секоја жртва на машка злоупотреба“.

„Фајненшл тајмс“ на својата насловна страница ја дава насмеаната Пелико како главна слика, под наслов: „Резолутно: поранешниот сопруг на преживеаната од силување Пелико е осуден на 20 години затвор во случајот што ја шокираше Франција“.

Вчера, по изрекувањето на пресудите Жизел Пелико им оддаде почит на жртвите на сексуално насилство кои сè уште се борат за признание во општеството.

Додека политичките лидери го поздравија судењето како пресвртница во битката против културата на силување и срамот на жртвите, Пелико (72) во четвртокот рече дека никогаш не зажалила за нејзината одлука да се откаже од правото на анонимност со цел судењето да се одржи јавно.

Додека толпи поддржувачи се собраа во францускиот град Авињон за да ја бодрат, таа пред судот рече дека на последниот ден од повеќемесечното судење мисли „на непризнаените жртви, чии приказни често остануваат во сенка“.

„Сакам да знаете дека делиме иста борба“, рече таа. „Кога ги отворив вратите за ова судење кое започна на 2 септември, сакав целото општество да биде сведок на дебатите што се одржаа овде… Сега имам доверба во нашиот капацитет да најдеме подобра иднина каде сите, жени и мажи исто така, може да живее во хармонија со почит и меѓусебно разбирање“.

Нејзиниот поранешен сопруг, Доминик Пелико, еден од најлошите сексуални престапници во модерната француска историја, беше осуден на 20 години затвор затоа што ја дрогирал и поканил десетици мажи да ја силуваат во нејзиниот дом на југот на Франција во текот на речиси една деценија од нивниот брак. Судијата претседавач, Роџер Арата, рече дека 72-годишниот нема да има право на условно ослободување додека не отслужи две третини од казната.

Пресудите за вина ги вклучуваа сите обвинети мажи, вклучително и медицинск брат, војник, новинар, затворски управник и возачи на испорака, на возраст од 26 до 74 години. Четириесет и седум се осудени за силување, двајца за обид за силување и двајца за сексуални напад.

Пофалувајќи ја нејзината храброст, меѓународните лидери побрзаа да ѝ се заблагодарат на Жизел Пелико што одби да се срами и да ја разоткрие распространетоста на сексуалното насилство.

„Ти благодарам, Жизел Пелико!“ напиша германскиот канцелар Олаф Шолц. „Вие храбро преминавте од анонимност во јавна личност и се изборивте за правда. На жените ширум светот им дадовте силен глас. Срамот секогаш лежи кај сторителот“.

Шпанскиот премиер Педро Санчез рече: „Какво достоинство. Ви благодариме, Жизел Пелико“.

Лидерката на француските Зелени, Марин Тонделие, која отпатува во Авињон за да присуствува на некои од сослушувањата, рече дека судењето ги „скршило табуата на општеството и претставува пресвртница во борбата против културата на силување. Срамот ќе ја смени страната“.

Некои изразија разочарување што дел од затворските казни што им беа изречени на сообвинетите на Доминик Пеликот од страна на петчлениот совет на судии беа пониски од оние што ги предложи државниот обвинител. Казните се движеа од три до 15 години. На неколкумина им беа суспендирани неколку години.

Кога ја прашаа шро мисли за казните, Жизел Пелико рече: „Го почитувам судот и неговата одлука на пресудата“.

Пензионираниата менаџерка за логистика гледаше со нејзините синови и ќерка додека Арата ги читаше затворските казни на мажите. Таа беше поздравена како феминистички херој ширум светот затоа што ги отвори вратите за судењето, а јавноста надвор од судот секојдневно навива за жената која рече дека е „решена дека работите се менуваат во ова општество“, особено за „мачо“, патријархално општество кое го банализира силувањето“.

Речиси четири месеци, судот слушаше дека нејзиниот сопруг, пензиониран електричар и поранешен агент за недвижнини, кршел таблети за спиење и лекови против анксиозност во нејзиното пире од компири, кафе или сладолед и поканил десетици мажи да ја силуваат десет години од 2011 година во селото Мазан, Прованса, каде што парот се пензионирал.

Откако видеата од силувањата од него и други мажи беа пронајдени прецизно категоризирани на неговиот компјутерски хард диск во датотека означена како „злоупотреба“, Доминик Пелико ги призна обвиненијата пред судот, велејќи им на судиите: „Јас сум силувач“.

Тој исто така беше осуден во четвртокот за поставување скриени камери во бањите и спалните соби во неговиот дом и во домот на неговото семејство за да направи и дистрибуира голи слики од неговата возрасна ќерка и сопругите на неговите синови.

Многумина од мажите на кои им се суди заедно со Доминик Пелико негираа дека она што ѝ го направиле на Жизел Пелико е силување во сведочењето што поттикна на национално ниво дискусии за законите за согласност и силување.

Еден, Доминик Дејвис, возач на камион и поранешен војник, беше осуден на 13-годишна затворска казна за силување на Жизел Пелико во шест различни прилики. Тој го негираше силувањето, велејќи дека немал намера да силува никого. Тој му рече на судот: „Не се разбудив едно утро и си реков „еј, денес ќе одам кај еден пар и ќе направам злосторство“.

Тој рече дека чувствувал дека имал доволно гаранции од Доминик Пелико, додавајќи: „Само што заборавив една голема гаранција. Согласност на госпоѓата“.

Друг од мажите, Џоан Каваи, 26, му рече на судот: „Јас сум силувач затоа што законот вели дека сум“, но рече дека немал намера да силува и „во тоа време не знаев што е тоа согласност“. Тој дознал што значи согласност додека бил во затвор. Каваи бил војник во француската војска и е најмладиот човек на судењето. Тој беше прогласен за виновен за силување и осуден на 10 години затвор. (Според агенциите)