Најголемиот руски напад со тенкови заврши со катастрофа (Видео)
Се појави видео на кое се гледаат застрашувачките последици од рускиот напад на поширокото подрачје на Авдиивка за време на минатиот викенд, по што останаа да лежат околу 20 уништени руски оклопни возила.
Иако претходно сме виделе масовни напади од руски оклопни возила, различни извори сугерираат дека ова е најголемиот напад од ваков вид од почетокот на конфликтот, предводен од колона од 48 руски оклопни возила. Иако е тешко да се потврди ова тврдење, акцијата ја прикажува сета бруталност на борбите што сѐ уште се водат околу Авдиивка, која падна во руски раце во средината на февруари, пишува The War Zone.
The very first footages of repelling the largest Russian tank attack of the entire war began to appear. The attack took place on March 30th on the Avdiivka front near the village of Tonenke.
Russia gathered 36 tanks and 12 AFVs for this attack. 12 tanks and 8 AFVs were… https://t.co/ychvqslE7D pic.twitter.com/CnIw1ar9KY— Special Kherson Cat 🐈🇺🇦 (@bayraktar_1love) April 1, 2024
Изворите тврдат дека нападот се случил на 30 март на патот во близина на селото Тоненке, западно од Авдиивка. Нападот наводно го воделе 36 руски тенкови и 12 оклопни возила од серијата БМП од 6-от тенковски полк на 90-та тенковска дивизија.
Видеата кои се појавија на социјалните мрежи за прв пат ги објави 25-та посебна воздушна бригада „Сичеслав“, која е дел од украинските воздухопловни сили. Таа единица тврди дека само таа е одговорна за уништување на четири тенкови и две оклопни возила при одбивање на руски напад. Сè на сè, велат дека уништиле вкупно 12 тенкови и 8 оклопни транспортери.
Во описот на ова видео на Фејсбук, 25-та бригада го напиша следново:
„Ништо не е невозможно за нас! Падобранци на ‘Сичеслав’ уништија колона непријателски оклопни возила! Четири окупаторски тенкови и два оклопни транспортери беа претворени во купишта метал како резултат на вештината на нашите падобранци. Колку и да сте, каде и да се криете, ние ќе ве најдеме и ќе ве уништиме!“
Самото видео ги прикажува последиците од руското напредување по патот од Тоненка – кој е во руски раце – до селото Уманске, на околу три километри на запад, кое сè уште го држат Украинците.
Руската колона била нападната додека се движела по патот, со многу мал простор меѓу возилата. Веднаш не беше јасно какво оружје користеле Украинците, но се чини дека се работи за беспилотни летала FPV (поглед од прво лице).
Повеќе возила беа уништени во украинските напади, вклучително и некои кои се чинеше дека биле погодени од противтенковски наведувани проектили или можеби оштетени од нагазни мини, судејќи според плиткиот агол на проектилите. Забележливо е дека некои возила биле засилени со специјални „кафези“ кои требало да ги заштитат од воздушни напади, особено од дронови.
⚡️A 🇺🇦Ukrainian soldier from the 25th Separate Airborne Brigade destroys 🇷🇺Russian armored vehicles using the 🇺🇸American ATGM Javelin in the area of Tonenke Avdiivka direction. pic.twitter.com/C1YhYGpqy2
— 🇺🇦Ukrainian Front (@front_ukrainian) April 1, 2024
Оваа битка покажува дека околу Авдивка сè уште се водат жестоки борби и дека Русите, и покрај нивните континуирани напори да ја усовршат својата тактика со цел да постигнат значаен напредок, во голема мера стојат во место.
Досегашните искуства покажуваат дека Русите секогаш, по толку големи загуби на тенкови и оклопни возила, продолжувале со помали и поагилни напади во кои учествува пешадија со полесни возила. Како што можеше да се види во последните недели, а како што покажува видеото подолу, примената на ваквата тактика околу Авдиивка беше со сомнителен успех.