Најголем дел се заразиле со одење на гости, на ручеци и вечери

До пред три денови точно ги зневме кластерите во Скопје, вели директорот на Центарот за јавно здравје Арбен Зибери  во гостувањето на Топ Тема. Според него најголемиот број на новозабоелни регистрирани во Скопје се членови на исти семејства.

-Во Скопје имаме 15 фамилии од кои потекнуваат 90 проценти од бројот на новозаболени во градот. Но, ситуацијата ја имаме под контрола, ги знаеме кај се, рече Зибери.

Зибери исто така откри и дека одреден број од анкетираните контакти или заболени не им даваат точни информации на епидемиолозите.

-Многу често ни даваат лажни податоци. Многу е важно луѓето да соработуваат и искрени да бидат во одговорите затоа што така побрзо ќе ги најдемем контактите и ќе ги тестираме луѓето, рече тој.

Статиститката покажува, продолжи тој, дека најголемиот број од новозаболените се заразиле преку одење на гости, ручеци и вечери, односно преку поголеми собири.