Најавените врнежи од дожд може да предизвикаат слевање на водата низ градските улици

Најавените врнежи од дожд, кои се очекуваат од попладне, може да предизвикаат слевање на вода низ градските улици. Локално на некои места можно е и брзо зголемување на водостојот на помалите реки и соводолици, но нема опасност од излевање на поголемите реки, иако кај дел од нив можно е да се зголеми значително водостојот, предупредува Управата за хидрометеоролошки работи.

Според прогнозата, од попладне се очекуваат врнежи од дожд кои ќе започнат од западните делови, а во текот на ноќта ќе се прошират и во останатите делови од државата. Во северозападните делови, врнежите ќе бидат поројни и проследени со грмежи.

Променливото време проследено со врнежи ќе трае до сабота од кога се очекува повторно период на претежно стабилно и суво време при што реките ќе бележат опаѓање на нивниот водостој.