На Заев не му се седнува без Мицкоски: Откажана лидерската средба


Лидерската средба закажана за денеска (петок) во Клубот на пратениците е откажана, објавија повеќе медиуми во земјава повикувајќи се на извори во СДСМ. Претседателот на партијата, Зоран Заев ги информирал сопартијците на вечерашната седница на Централниот одбор дека нема логика да се седнува само со Али Ахмети и со Зијадин Села доколку го нема Христијан Мицкоски.

На средбата требаше да се разговара за пописот, Законот за обвинителство и изборниот модел, но лидерот на ВМРО-ДПМНЕ најави дека единствена точка за која што би разговарал се предвремени парламентарни избори.