На Вучиќ му се слошило во Америка, се враќа во Белград

На претседателот на Србија, Александар Вучиќ, му се слошило за време на посетата на Соединетите Американски Држави, а по консултации со лекарите, одлучил да се врати во Србија, јавува РТС.

Вучиќ во четвртокот во Флорида се сретна со поранешниот градоначалник на Њујорк, Рудолф Џулијани. Беше најавено дека тој ќе се сретне и со неколку високи функционери на Републиканската партија.

Пратеникот на американскиот претседател за специјални мисии, Ричард Гренел, му посака брзо закрепнување на претседателот Александар Вучиќ.

Тој му испрати порака на Вучиќ на мрежата Икс, велејќи дека му е жал и дека се надева дека сè е во ред.

„Сè најдобро. Жал ми е што не се сретнавме, но се надевам дека сè е во ред“, напиша Гренел.

Вучиќ е на пат кон Белград и нема да биде на главните настани за кои дојде во Америка.

Според информациите на Танјуг, претседателот Вучиќ се разболел во раните попладневни часови по локално време.

Во тој момент, во просторијата со претседателот Вучиќ, подготвувајќи се за следните состаноци, а по средбата со конгресменката Клаудија Тени и Род Благојевиќ и српските претприемачи од Америка, беа министерот за финансии Синиша Мали и Сузана Васиљевиќ, советничка за медиуми на претседателот на Србија.

Кабинетот на претседателот Вучиќ ќе ѝ соопшти на јавноста за што точно станува збор во наредните денови.