На Русите забрзано им снемува тенкови
Според повеќе валидни пребројувања од руските медиуми две третини од најупотребуваните тенкови во војната во Украина, Т-72, веќе се загубени
Недостигот од тенкови во Русија е полош отколку што претходно мислеа некои набљудувачи, бидејќи залихите на најбројниот руски тенк, Т-72 од времето на студената војна, брзо се намалуваат. Растечкиот недостиг на Т-72 објаснува зошто Русите сѐ повеќе ги пополнат своите новомобилизирани баталјони со застарени тенкови Т-62 и Т-80Б, анализира „Форбс“, главно врз основа на проруските медиуми.
Кога станува збор за проценка на рускиот тенковски арсенал, еден од најдобрите независни извори е корисникот на Твитер по име @partizan_oleg. Врз основа на некласифицираните податоци од Стокхолмскиот меѓународен институт за истражување на мирот и други извори, вклучително и макотрпното броење на блогот „Орикс“ за визуелно потврдени загуби на возила во тековната фаза на руско-украинската војна, @partizan_oleg проценува колку тенкови загубиле Русите по повеќе од година тешки борби.
Споменатите проценки на залихите на Т-72 покажуваат како се променила ситуацијата, но на полошо. Во пребројувањето на средината на февруари, @partizan_oleg процени дека Русија војувала со речиси 2.000 тенкови Т-72, со екипаж од три лица и топови од 125 мм.
Во првите 12 месеци од борбата, Украинците уништија или заробија речиси 1.200 Т-72, бројка што „Орикс“ сигурно може да ја потврди. Бидејќи несомнено имаше загуби на тенкови кои не оставија видео или фотографски докази, проценките на „Орикс“ се премногу ниски. Ако „Орикс“ потврди 80 проценти загуби, тогаш Русите всушност останаа без 1.500 тенкови Т-72.
Но, според претходните бројки на @partizan_olega, Русите имале во магацини 6.900 стари Т-72, од кои околу една третина можеле да се вратат по децении изложеност на дожд, снег и циклуси на топлина и студ, кои предизвикуваат корозија. Проблемот за Кремљ е што @partizan_oleg не го броел февруари. Проверувајќи ги неговите бројки во вторникот, @partizan_oleg сфати дека, всушност, Русите веројатно имаат само 1.500, а не 6.900 стари Т-72 во магцините со песимистички заклучок дека „многу од нив веројатно не се во добра состојба“.
Броењето беше прилично едноставно. @partizan_oleg започна со бројот на тенкови Т-72 произведени од советската индустрија за 23 години производство помеѓу 1968 и 1991 година. Беа произведени 18.000, по што тој почна да ги одзема тенковите кои Советите и Русите или ги изгубија во борба или ги извезуваа во странство. Ова доведе до значително помал број Т-72 во резерва. Голема променлива, призна @partizan_oleg, е тоа што неговите податоци за производство можеби не го вклучуваат првиот модел Т-72, кој беше Т-72 „Урал“.
Не е јасно колку Урал произведе и складираше фабриката во Уралвагонзавод во Свердловската област. Можеби стотици, можеби неколку илјади. Но очигледно недостигаат тенкови зашто руската армија од магацините ги вади старите тенкови Т-62 и ги воведува во битка тенковите Т-80Б, кои се приближно на иста возраст како и Т-72.
Руската индустрија денес може да произведува само неколку нови тенкови секој месец, што е премалку за да се заменат месечните загуби во троцифрена вредност. На Русите им снемува тенкови. И тоа брзо.