На Малта во група од 94 мигранти, 65 се позитивни на Ковид-19
Во група од 94 мигранти спасени на море и доведени на Малта, 65 се позитивни на Ковид-19, соопшти денеска Министерството за здравство на Малта.
Тоа е најголемото жариште откриено на Малта од почетокот на епидемијата на коронавирусот што избувна на 7 март. Националноста на заразените се уште не е објавена.
Министерството за здравство соопшти дека досега биле тестирани 85 мигранти, додека другите чекаат да бидат тестирани.