На илјадници луѓе им било забрането да се качат на траекти во Грција поради немање ковид-документи

На околу 2.500 луѓе им било забрането да се качат на траекти до грчките острови само во последните три дена затоа што немале потребна документација, рече во понеделникот грчкиот министер за пловидба Јанис Плакиотакис.

Крајбрежната стража беше задолжена за проверка дали мерките за јавно здравје се придржуваат на пристаништата од 13 јули, поради загриженоста дека грчки и странски туристи кои патуваат од и до островите, ја зголемуваат инциденцата со коронавирусни инфекции.

Плакиотакис призна дека пред Крајбрежната стража да ја преземе пристанишната власт, проверките биле „несоодветни“.

„Ова е причината зошто Крајбрежната стража ги презеде проверките пред да се качат“, рече тој за Опен ТВ во понеделникот.

Грчките власти мораа да ги заострат здравствените правила во услови на пораст на нови инфекции на некои популарни летни дестинации. Во неделата, тие најавија петчасовен ноќен полициски час и деноноќна забрана за музика во барови, кафулиња и ресторани на островот Миконос, додека заменик-министерот за цивилна заштита Никос Хардалиас минатата недела предупреди дека владата е „еден чекор“ пред да воведе ограничувања на Санторини, Парос, Иос и Ретимно и Ираклион на Крит.

Патниците на островите треба да покажат или потврда за вакцинација од Ковид-19, доказ за неодамнешно опоравување од вирусот, негативен ПЦР тест направен во рок од 72 часа по поаѓање или негативен брз тест спроведен 42 часа пред патувањето.

Од 16 јули, невакцинираните патници кои се враќаат во континентална Грција, ќе мораат да презентираат негативен тест или брз тест за да се качат на траект. (Катимерини)