На Албанија ѝ појде од рака она што Србија не можеше да го направи за 10 години во преговорите со ЕУ

Европската комисија објави дека денес на петтата Конференција за пристапување, Албанија отвори уште еден, трет кластер, поврзан со конкурентноста и инклузивниот раст.
Реклама

Во преговорите за пристапување кон Европската Унија има шест кластери, а третиот се однесува на поглавјата за дигитална трансформација и медиуми, даноци, економска и монетарна политика, социјална политика и вработување, претприемништво и индустриска политика, наука и истражување, образование и култура и царинска унија.

Првиот кластер се однесува на она што е фундаментално (правда, слобода, безбедност, јавни набавки, статистика и финансиска контрола), вториот се однесува на внатрешниот пазар, третиот на конкурентноста и инклузивниот раст, четвртиот на зелената агенда и одржливата поврзаност, петтиот на ресурсите, земјоделството и кохезијата, а шестиот на надворешните односи. Вкупно има 35 поглавја класифицирани во шест групи.

Од ноември минатата година до сега, Албанија отвори преговори во 16 поглавја, со што вкупниот број на поглавја во кои преговара се зголеми на 24. Ова е повеќе отколку што Србија отворила поглавја за 10 години.

Постои можност таа да ја престигне Црна Гора во преговорите за пристапување во ЕУ доколку продолжи да ги исполнува условите на Унијата со оваа динамика. Во меѓувреме, Босна и Херцеговина сè уште чека на почеток на преговорите.