На 35 години почина синот на директорот на „Роснефт“

Синот на шефот на големата руска нафтена компанија „Роснефт“, Игор Сечин, Иван, почина на 5 февруари на 35-годишна возраст. Ова произлегува од уписот во рускиот регистарот на наследни случаи.

Според телеграмскиот канал VChK-OGPU, синот на Сечин официјално „починал од откачување на тромб“. На 5 февруари околу 4 часот наутро, 35-годишниот Иван почнал да се жали дека се гуши, по што изгубил свест. Тој починал во викендичка во во близина на Москва. Според други канали на Телеграм, шефот на „Роснефт“ им забранил на Истражниот комитет и тајната служба ФСБ да ја истражуваат смртта на неговиот син.

Синот на Сечин работеше во Гаспромбанк, а во 2014 година се пресели во „Роснефт“, каде прво ја доби позицијата заменик-шеф на еден од одделите на одделот за офшор проекти, а потоа и прв заменик-директор на одделот за заеднички проекти.

На 25-годишна возраст Иван Сечин беше одликуван со орден за заслуги за татковината.