МВР со детали за убиството во Кочани

По семејна расправија маж од Кочани починал, а неговата сопруга е тешко повредена.

МВР со детали:

– На 30.09.2019 во 05.20 часот во СВР Штип, Д.С.(30) од Кочани пријавил дека во семејниот дом на ул.„Климент Охридски” во Кочани неговиот татко В.С.(55) со остар предмет ја нападнал неговата мајка Н.С.(46) која се здобила со повреди и била пренесена во болницата во Кочани. Полициски службеници излегле на местото на настанот, при што било пронајдено безживотното тело на В.С., со убодна рана во пределот на градите. Во врска со случајот приведени се Д.С. (30) и А.С. (25), синови на В.С.”, соопштуваат од МВР.

Увид извршиле Јавен обвинител и екипа на Полициската станица Кочани. Се работи на расчистување на случајот.