Музичките награди на Ем-Ти-Ви во август во живо од Њујорк?
САД- Ем-Ти-Ви во моментов работи со бројни владини и здравствени агенции со надеж дека ќе ги емитуви своите годишни видео музички награди во живо од Њујорк овој август, Variety ексклузивно може да известува.
Шоуто се предвидува за 30 август од Центарот Баркли во Бруклин, за 36-то издание на VMA, каде се избираат најдобрите видеа и настап имаат врвни уметници. Плановите се најавуваат додека Њјорк се уште се бори со пандемијата на коронавирус, и покрај карантинот и мерките за социјална дистанца.
„Ние истражуваме со владини службеници, медицинската заедница и клучни засегнати страни за тоа како безбедно да ги одржиме VMA во 2020 година во центарот Баркли на 30 август“, изјави портпаролот на „Ем-Ти-Ви“ за „ Variety . „Здравјето на сите вклучени е нашиот приоритет број еден. Покрај тоа, ние работиме на неколку планови за непредвидени ситуации да ја донесеме најголемата ноќ на музиката пред публиката насекаде “.
Тоа би значело враќање во центарот на Баркли за VMA, што се одржа во 2013 година, веднаш по неговото отворање. Лани, Тејлор Свифт имаше најдобро видео за песната „You Need to Calm Down“, а Аријана Гранде беше прогласена за Музичар на годината.
Во план се и виртуелни перформанси и шоу без публика, ако се намали бројот на заболени од коронавирус во Њујорк.