Мустафа реизбран на чело на Демократскиот сојуз на Косово
Досегашниот лидер на Демократсјиот сојуз на Косово (ЛДК), Иса Мутафа денеска, на деветтото Изборно собрание на ЛДК, е повторно избран за лидер на на таа најголема косовска опозициска партија, јави дописникот на МИА од Приштина.
Мустафа го освои мнозинството гласови од 354-те учесници на Собранието, делегирани од општинските ограноци на партијата.
Пред почетокот на изборниот процес, кој се одржа зад затворени врати, Мустафа изјави дека е време овој политички субјект да ја земе во свои раце судбината на Косово.
Ново-стариот лидер на ЛДК и поранешен премиер на Косово рече дека од овој изборен процес партијата излезе подобро организирана, бидејќи „настапи со програма, идеја, визија и цел“.
Мустафа додаде дека е дојдено време да се запре лошото владеење и скандалите кои траат веќе две години.
По обраќањето на Мустафа, од новинарите беше побарано да ја напуштат салата, а Собранието ги продолжи изборните процедури зад затворени врати.