Модната недела во Париз со 45 ревии, 95 брендови и само 13 дигитални шоуа
Франција– Eсенски колекции на Модната недела во Париз публиката ќе ги види на 45 физички ревии, со новодојденците, вклучувајќи ги The Row и Vtmnts, како и шоуто на Off-White кое ќе му оддаде почит на починатиот основач на брендот Вирџил Абло, според прелиминарниот распоред објавен од Fédération de la Couture et de la Mode во понеделникот.
Настанот, кој ќе трае од 28 февруари до 8 март, ќе има вкупно 95 брендови, со 37 физички презентации и 13 само дигитални шоуа.
Шоуто Off-White е закажано за 28 февруари , а ќе започне една недела со прикажување на модните писти од брендови како Dior, Saint Laurent, Balmain, Chloé, Rick Owens, Loewe, Hermès, Balenciaga, Valentino, Givenchy, Stella McCartney, Луј Витон, Шанел и Миу Миу.
Луј Витон, кој традиционално ја затвора неделата, се префрли на 7 март, еден ден порано. Марин Сер треба да се врати на пистата по неколку сезони дигитални шоуа, со ревија на 4 март , додека Ланвин се одлучи за дигитална презентација на 5 март наместо шоу на писта.
The Row, луксузниот бренд со седиште во Њујорк, предводен од Ешли и Мери-Кејт Олсен ќе има ревија на 2 март.
Vtmnts, новиот бренд од Vetements со седиште во Цирих, првично ја објави својата намера да се појави за време на машките колекции во јануари, но подоцна се откажа од календарот. Сега се очекува да го приреди своето прво физичко шоу на 4 март.
На официјалниот распоред на ревии, федерацијата ја пречекува Германката Ана Изабела, која првпат се прикажува во Париз; CFCL, етикетата основана од поранешниот уметнички директор на Issey Miyake Men, Јусуке Такахаши; Истоимениот бренд Maitrepierre на францускиот дизајнер Alphonse Maitrepierre; Белгиската дизајнерка Мерил Рог и унгарскиот моден бренд Нанушка.
Ним ќе им се придружи Руи, бесполова етикетата основана од кинескиот дизајнер Руи Џоу од Кина, еден од заедничките добитници на специјалната награда на жирито Карл Лагерфелд на минатогодишното издание на наградата LVMH за млади дизајнери, и холандскиот бренд Sheltersuit. (WWD)