Модата на Евросонг во Торино: Шик и шок (галерија)
Модата на Евросонг е исто толку важна колку и песните и настапите. Има многу стил и многу утки, монохроматски изглед и шарени модни изгледи, се меша ретрото со традиционалното и модерното, вкусот со кич- само за да се привлече вниманието на милионскиот аудиторим ширум светот, сите три вечери, почнувајќи од синоќа, утре и в сабота.
Фокусот годинава е засилен зашто престижниот музички настан се одржува во Торино, Италија,- земја која е центар на висока мода, стил, естетика во сите сфери на живеење- од облеката, храната, пиењето кафе до архитектурата .
Како да се биде поинаков и оригинален во земја каде сите изгледаат како од модни магазини, каде убавото е на пиедестал, каде се концентрирани најдобрите и навлијателни модни дизајнери и модни куќи во светот- од Армани до Валентино, ДиГ, Етро,…
Водителите на 66. Евросонг годинава беа облечени во висока мода. Италијанската поп-ѕвезда, добитничка на Греми, Лаура Паузини, смени три креации во џиш розова боја на „Валентино“. Реакциите за нејзиниот изглед се различни. Алесандро Кателан беше во изглед со потпис на Армани, а либанско- британската поп ѕвезда Мика, исто така, беше во „Валентино“.
По првото полуфинале во Пала Олимпико, синоќа, меѓу 17 изведувачи, со својата елегантна појава се издвојуваше Литванката Моника Лиу, а најмногу разочара изгледот на претставничката на Албанија, Ронела Хајати. Најоригинални беа Норвежаните. (Л.С.)
Фото: ЕБУ
Франција