МНР одглави македонски автопревозници од италијанско-словенечката граница

Министерството за надворешни работи информира дека по добиената информација за повеќемина заглавени македонски автопревозници на италијанско-словенечката граница, поради нејзино затворање од страна на словенечките власти, преку своите дипломатско – конзуларни претставништва во Љубљана и Загреб стапило во контакт со надлежните власти на релевантните држави со цел непречен премин до матичната држава.

По успешните дипломатски напори, овозможен е транзитен камионски транспорт со полициска придружба преку словенечка територија, до крајната дестинација, Македонија.

Воедно, Министерството за надворешни работи изразува благодарност на словенечките и хрватските колеги за брзата реакција и обезбедувањето на конвојот на нивна територија.