МНР го осуди скрнавењето на споменикот за жртвите од потонувањето на бродот “Илинден”


 Министерството за надворешни работи на  Македонија најостро го осуди вандалскиот акт на скрнавење на споменикот во Охрид посветен на  жртвите од трагичната несреќа со бродот “Илинден” во 2009 година, во која настрадаа бугарски туристи.

-Надлежните служби се информирани и во најскоро време ќе го отклонат ова злодело на неодговорни и злонамерни поединци, за да можеме достоинствено да ја паметиме ова трагедија. Вратите на историскиот Охрид остануваат ширум отворени за сите туристи, а посебно се секогаш добредојдени нашите пријатели од соседна Бугарија, стои во реакцијата на МНР.