(Галерија) Многу забава на Средноленд на плоштадот „Македонија“
Денес почна новата средношколска манифестација – Средноленд, која за првпат се одржува оваа година, со цел поттикнување на средношколците да ги претстават своите таленти преку музика, танц, ликовна и драмска уметност, фотографија и филм.
На Плоштадот „Македонија, во КИЦ, МКЦ и кај Школка во Градскиот парк, учениците ги покажаа своите таленти. Добра забава за сите средношколци, но и за минувачите.
Талентираните ученици со поддршката и мотивацијата која ја добиваат од средните училишта на Град Скопје имаат можност да се докажат во повеќе сфери.
Манифестацијата се одржува во организација на ЈУ Универзална сала, со финансиска поддршка од Град Скопје, а иницирано од професори и ученици од градските средни училишта.
Повеќедневниот настан се одвива од 2 до 6 мај, на повеќе локации во градот и тоа на Плоштад Македонија, КИЦ, МКЦ и Градски парк – Школка.