МКЦ домаќин на лансирањето на регионалната дигитална платфотма „Creative Gate“

Првата прес-конференција по повод лансирање на регионалната дигитална платформа „Creative Gate“ ќе се одржи денеска со почеток во 11 часот во МКЦ (Галерија) како дел од овогодинешната ПИН Музика Конференција.

За време на прес-конференцијата ќе биде претставен развојот и позционирањето на Балканот како еден од главните глобални центри за креативната индустрија.

Конференцијата ќе ја водат водечки ескперти, професионалци и лидери од културните и креативните индустрии од регионот и Европа, со цел да се изнајдат нови патишта на соработка, раст и одржливост во креативниот сектор.

Учесници на настанот се Клер Сирс, Британски совет, Директор за Западен Балкан, Велика Британија, Алма Мрган-Слипичевиќ, УНЕСКО, Босна и Херцеговина, Милош Ѓуроски, Репрезент, Македонија, Рамона Моња Кочишка, Пасворд Продукција, Македонија.

Платформата „Creative Gate“ ја креираа EXIT Фондацијата и фестивалот Таксират, со цел зајакнување на културните и креативните индустрии на Западен Балкан како дел од проектот „Култура и креативност за Западен Балкан“ (CC4WBs) кој е финансиран од Европската Унија.