Министрите за надворешни работи на ЕУ се согласија за уште 500 милиони евра воена помош за Украина

Министрите за надворешни работи на Европската Унија се согласија за дополнителни 500 милиони евра воена помош за Украина, информираше денеска претседателот на Европскиот совет, Шарл Мишел.

„Европа продолжува да испорачува за мир и одбрана на нашите вредности“, напиша тој на Твитер, соопштувајќи ја одлуката.

Со оваа одлука, донесена на состанокот на министрите за надворешни работи на ЕУ во Брисел, вкупната сума за воена помош испратена во Украина изнесува 2,5 милијарди евра, по руската инвазија врз земјата.