Министерство за здравство: Само 10 отсто од хоспитализираните се вакцинирани со две дози, имаат полесни симптоми

На Инфективната клиника во Скопје се хоспитализирани 94 пациенти, од кои само околу 10 отсто се вакцинирани со две дози и тие се со полесна клиничка слика, соопшти денеска Министерството за здравство.

Од таму посочуваат дека кај граѓаните значително се зголемува интересот за вакцинирање при што вчера се вакцинирале вкупно 18.877 граѓани, од кои 12.049 примиле прва доза.

Инаку, заклучно со вчера, вакцинирани се вкупно 599.716 граѓани. Вкупно се аплицирани 1.079.049 дози вакцини, а ревакцинирани се 479.333 граѓани.