Министерот за внатрешни работи на Естонија поднесе оставка по коментарите за американските избори

Министерот за внатрешни работи Март Хелме

Претседателските избори во САД однесоа друга политичка жртва: министерот за внатрешни работи на Естонија, Март Хелме.

Хелме од крајната десничарска партија ЕКРЕ, објави дека си поднесува оставка откако коментарите што ги даде за изборите беа остро критикувани од владините колеги.

„Гледајќи ги клеветите и лагите произведени од естонските медиуми, решив да си дадам оставка минатата ноќ“, рече Хелме на прес-конференција во понеделникот наутро, според естонската новинска агенција ЕРР.

Во неделата, Хелме разговараше за резултатот од изборите во Америка заедно со неговиот син, министерот за финансии Мартин Хелме и европратеникот Јак Медисон во радио ток-шоу.

Тој рече дека „длабоката држава“ работи со туркање напред „нечистотии, полни вреќи со ѓубре за уцена. Џо Бајден и Хантер Бајден се корумпирани ликови “, рече Хелме сениор во шоуто.

Неговиот син, кој во истата емисија рече дека „нема сомнение дека овие избори се фалсификувани“, остана во естонската влада до понеделникот попладне.

Премиерот Јури Ратас ги осуди „апсурдните“ забелешки, а министерот за надворешни работи Урмас Реинсалу рече дека тие се „луди“.

Хелме е шести министер од ЕКРЕ што поднесе оставка откако таа се приклучи на трипартитната влада на Естонија во април 2019 година. Во интервју за „Политико“ во 2019 година, тој рече дека Доналд Трамп „дефинитивно“ е инспирација.