Милиони луѓе изложени на загадување на воздухот од европските шумски пожари

Пожарите во Франција и Шпанија изложија милиони луѓе на штетен квалитет на воздухот во текот на изминатите неколку дена, изјавија научниците во вторник.

Чадот од шумските пожари содржи мешавина од загадувачи што го намалуваат квалитетот на воздухот дури и на стотици километри оддалеченост. Научниците рекоа дека се особено загрижени за емисиите на честички PM2.5, кои се поврзани со кардиоваскуларни заболувања, рак на белите дробови и респираторни проблеми.

„Знаеме дека ова има навистина значајно влијание врз здравјето, особено кога сте изложени со денови“, рече Теодор Кепинг, климатолог на Империјал колеџ во Лондон. „Сведоци сме на сè потешки и почести шумски пожари со висок интензитет каде што луѓето се изложени на овие многу, многу високи нивоа на PM2.5“, додаде тој.

Во францускиот град Бордо, нивоата на PM2.5 надминаа 300 микрограми на кубен метар на 26 јули, покажаа податоците од програмата за следење на климата Коперник на Европската унија. Имајќи предвид дека просечното ниво на PM2.5 во Бордо на 26 јули било 115 микрограми, речиси пет пати повисоко од препорачаното ниво на ЕУ.

Чадот проширил невообичаено високи нивоа на PM2.5 од Мадрид и Бордо. Во градот Лимож, повеќе од 200 километри североисточно од Бордо, нивоата на PM2.5 надминале 400 микрограми на кубен метар во текот на викендот.

Шумските пожари можат да ги направат честичките PM2.5 уште поопасни бидејќи ја зголемуваат нивната токсичност додека се мешаат со други компоненти во чадот. Климатските промени ги интензивираат топлите, суви услови што им овозможуваат на пожарите да се шират побрзо и да горат подолго.

Шумските пожари, исто така, го отежнуваат справувањето со климатските промени. Европските шуми апсорбираат и складираат стотици милиони тони јаглерод диоксид, кој се ослободува во атмосферата кога шумите горат, а потоа придонесува за глобалното затоплување, објавува Ројтерс. Пожарите сочинуваат само мал дел од вкупните емисии на стакленички гасови во Европската Унија, но ЕУ го вклучува јаглерод диоксидот апсорбиран од шумите во своите цели за намалување на емисиите за да се компензира загадувањето од индустријата.