„Мета“ објави одлични резултати, акциите „полетаа“
„Мета“ ги објави резултатите за заработката во последниот квартал минатата година по затворањето на вчерашното тргување.
Компанијата – мајка на „Фејсбук“ ги надмина очекувањата за клучните приходи во услови на силен пазар за рекламирање.
Еве какви се клучните бројки во споредба со проценките на аналитичарите составени од Блумберг:
- Приходи од четвртиот квартал – 32,17 милијарди долари реални наспроти очекуваните 31,65 милијарди долари
- Приходи од реклами – 31,25 милијарди долари реални наспроти очекуваните 30,86 милијарди долари
- Прилагодена заработка по акција (EPS) – 1,76 долари реална наспроти 2,26 долари очекувана
- Дневни активни корисници (DAU) – 2 милијарди реални наспроти 1,98 милијарди очекувани
- Дневни активни корисници на семејството на апликации (DAU) – 2,96 милијарди реални наспроти 2,92 милијарди очекувани
- Оперативна загуба на Reality Labs – -4,28 милијарди долари Реална наспроти -3,99 милијарди долари очекувана
Акциите на компанијата скокнаа за околу 14 отсто во тргувањето по работното време.
Овие бројки ја завршуваат исклучително тешката година за „Мета“, која исто така ги поседува Инстаграм и Ватсап (Instagram и WhatsApp).
Во 2022 година, акциите на компанијата паднаа за приближно 63 отсто бидејќи гигантот на социјалните медиуми се бореше со зголемената конкуренција од Тикток (TikTok), високата инфлација и намалениот пазар на дигитално рекламирање.