Меси спие на душек, што го убива корона вирусот

Додека светот продолжува да се тресе од КОВИД-19, Лионел Меси ужива привилегија да спие на специјален душек што го уништува вирусот.

Ова го откриваат шпанските медиуми во пресрет на враќањето на Барселона во Лигата на шампионите, каде вечерва екипата го пречекува Наполи во реваншот од 1/8-финалето.

Излезе дека една локална компанија – „Tec Moon“, направила специјален душек користејќи иновативен систем, откако специјалните наночестички го убиваат вирусот до 99,84%.

Името на моделот е „Viruclean“ и чини околу 1.000 евра. Потребни се 4 часа на душекот да се елиминираат потенцијалните честички на вирусот, што ќе обезбеди здравје на друго лице ако одлучи да лежи на истиот кревет.

Излегува дека Меси не го купил овој душек, но истиот му го дал производителот – веројатно за рекламни цели.

Играчот од средниот ред на Атлетико Мадрид, Саул Нигес исто така користи душек од овој вид.