Меркел: Постојните мерки не се доволни за да се помине зимата со короната

Германската канцеларка Ангела Меркел денеска им соопшти на своите сопартијци дека постојните ограничувачки мерки во Германија нема да бидат доволни за земјата да ја преживее зимата, изјавија учесниците на состанокот.

„Потпирањето на надежта нема да ни помогне“, им рече таа на пратениците за време на дебатата за зголемениот број случаи со коронавирус во Германија, наведоа учесници на состанокот.

Според неа, ситуацијата станува многу сериозна и постојните мерки нема да бидат доволни за земјата да ја преживее зимата, учесниците ги пренесоа зборовите на германската канцеларка, имплицирајќи дека ќе биде потребно да се засилат ограничувањата.

Делумното заклучување и социјалното растојание, што е на сила од почетокот на ноември, во Германија го забавија, но не го запреа ширењето на случаи на заразени со новиот коронавирус.