Мери Џ. Блајџ доби ѕвезда на „Аполо патеката на славните “ во Њујорк

САД – Мери Џ.  Блајџ има девет Греми награди, осум платинести албуми, две номинации за Оскар, а сега, текстописецот има и ѕвезда на Патеката на славните на театарот „Аполо“.

Блајџ, позната и како кралица на хип-хоп соулот со милиони фанови низ целиот свет, беше примена на Патеката на славните во петокот, непосредно пред легендарната концертна сала во Харлем.

Блајџ лично им се заблагодари на своите обожаватели и го објави датумот на објавување 25 јуни за новиот документарец кој ја слави 25-годишнината од нејзиниот втор албум „My Life.”

Ова беше враќање дома за ѕвездата. Кариерата на Блајџ  се искачи по нејзиното појавување во 1992 година на „ Showtime at the Apollo.”

“Тоа значи сè. Мислам дека Аполо е најважната работа за нашата култура како афро-американски уметници. Да не беше Аполо, немаше да имаме шанса. Луѓето немаше да бидат откриени”, изјави ѕвездата.

„Ова беше првото место каде што успеав, знаете, пред Медисон Сквер Гарден“, додаде таа. “Ова е тоа. Без Аполо, нема признавање на Мери Џ. Блајџ“, рече таа.

Музиката на Блајџ е лична. Пее за нејзините борби и сето тоа е откриено во нејзините албуми – „ My Life” (1994), “No More Drama” (2001), “The Breakthrough” (2005) и “The Journey Continues” (2011).

” Никогаш не станува полесно. Само станува потешко, стануваш помудра. Почнуваш да сфаќаш дека не си ничија наставничка, туку си и студент”, рече таа .

На „Аполо патеката на славните“, Блајџ им се придружува на музичките великани, вклучувајќи ги Арета Френклин, Пати ЛаБел, Ела Фицџералд, Чарли Паркер и Лајонел Ричи. (Ројтерс)