Менаџерот на најголемиот брод за крстарење во светот има неделен буџет за храна од милион долари
Во кујните кои работат деноноќно се вработени 1.000 готвачи
Најголемиот брод за крстарење во светот прави повеќе од 30.000 оброци дневно за повеќе од 6.600 патници кои се качуваат на неделно ниво.
Патниците на „Royal Caribbean Symphony of the Seas“ можат да јадат насекаде до осум пати на ден, што за екипажот претставува задача за подготовка на голема количина храна.
– Мора да пресметате дека тоа е појадок, ручек и вечера, плус ужина, плус ноќе, плус 24 часа храна наоколу и никогаш не престанува – изјави за Инсајдер Алан Џентиле, шеф за развој на кулинарски иновации.
– Количините се неверојатни – додава тој.
Џаред де Силва, управителот на залихите на бродот, има неделен буџет од 1 милион долари за да набави храна за 23-те ресторани на бродот. Кога овие пари се претвораат во храна, вклучени се повеќе од 600.000 тони храна и пијалоци.
Во кујните кои работат деноноќно се вработени 1.000 готвачи.
– Некои од луѓето почнуваат со работа во 8 часот наутро и работат до 14 часот, паузираат до 17 часот и продолжуваат со работа до 21:30 часот. Потоа втората група почнува да презема во 22 часот, до 10 часот. Значи покриваме ден и ноќ – вели главниот шеф.
Рестораните имаат различни цени за да одговараат на широкиот опсег на патници на бродот.
-Имаме пентхаус, имаме стан, имаме главен ресторан, имаме специјалитети. Ги имаме сите можности. Затоа се трудиме да им угодиме на сите, за секој да го најде тоа што го бара – додава тој.