Мелони во Белград пречекана со унгарски знамиња?
Италијанската премиерка Џорџа Мелони денеска е во посета на Белград. На аеродромот претседателот на Србија Александар Вучиќ ја пречека со букет цвеќе, а во знак на добредојде беа поставени знамиња. Но, наместо италијански беа поставени унгарски.
Знамињата, како што секогаш се прави при пристигнувањето на странските претставници, беа поставени покрај автопатот и главните улици во градот, како и пред Палатата Србија, каде се одржа средбата меѓу италијанската премиерка и претседателот на Србија, јавува Нова.рс.
Dolazi nam Premijerka Italije, mentoli, ko god da je, okačili zastavu Mađarske.@avucic da li je stvarno moguće da tamo kod vas , po službama, protokolima, radi neko ko bar za ovo mozga nema…..aman. Blam blam.. pic.twitter.com/Yek6wVCtln
— Nataša Stojanović (@tashananana) December 3, 2023
Пред Палатата знамињата беа правилно поставени, но проблем настана покрај автопатот. Некој од организацијата очигледно згрешил.
Имено, комбинацијата на боите на италијанското и унгарското знаме е иста, но унгарските пруги се поставени хоризонтално, а италијанските вертикално.
Jery relno da su zbog dolaska Italijanke, duž autoputa pokačili mađarske zastave!?? pic.twitter.com/xYXweJISGm
— Édesem Grunfosz by PUB (@grunfology) December 3, 2023