Мелони беше во Киев, утредента Италија беше цел на руски сајбер напади

Италијанскиот министер за надворешни работи Антонио Тајани рече дека серијата кибер напади во средата насочени кон италијански компании и јавни институции, вклучително и веб-страниците на Министерството за одбрана и полицијата, се „закана, предупредување“ од Русија по посетата на премиерот Џорџија Мелони на Украина оваа недела.

За нападите, кои предизвикаа ограничена штета поради постоењето на силни сајбер-одбранбени системи, одговорноста ја презеде руската група NoName057, која напиша на Телеграма дека Италија е „русофобична“, притоа мислејќи на владата која го одобри шестиот пакет воена помош за Украина разурната од војна.

Тајани ги даде коментарите на новинарите на маргините на вонредната специјална седница на ОН по повод една година од руската инвазија на Украина во Њујорк.

Мелони во вторникот во Киев се сретна со украинскиот претседател Володимир Зеленски, што беше нејзина прва посета на земјата откако дојде на власт во октомври.

Мелони ја повтори „непоколебливата“ поддршка на Италија за Украина и вети дека земјата ќе продолжи да дава „воена, финансиска и цивилна поддршка“.

„Оние кои ја поддржуваат Украина, дури и воено, се оние кои работат за мир“, рече таа.