Меланија не и помага на Џил пред инаугурацијата. Како Мишел комуницираше со Меланија?

САД- Според новиот извештај на Си-Ен-Ен, Меланија Трамп не ѝ посакува уште добредојде на Џил Бајден во Белата куќа. Г-ѓа Трамп „нема основано канцеларија за продолжување на нејзината платформа во годините по Белата куќа, според извор запознат со нејзините активности. Ниту, пак, таа ѝ помогна на првата дама Џил Бајден во однос на должностите – со која сè уште нема контакт, рече изворот. “

Тешко е да не се спореди ова со тоа како Мишел Обама комуницираше со Меланија Трамп во последните неколку недели пред инаугурацијата на претседателот Доналд Трамп. Всушност, Обама неодамна прозбори за ова во изјава во која го критикуваше претседателот Трамп за одложувањето на непречена транзиција на власта откако Џо Бајден победи на изборите во 2020 година.

„Мојот сопруг и јас им дадовме упатства на нашите вработени да го сторат она што Џорџ и Лора Буш го направија за нас: да извршат почитувана, беспрекорна транзиција на власта – една од обележјата на американската демократија“, напиша Обама. „Ги поканивме луѓето од избраниот претседател [тимот на Доналд Трамп] во нашите канцеларии и подготвивме детални белешки за нив, нудејќи им го она што го научивме во изминатите осум години“. Таа продолжи: „Морам да бидам искрена и да кажам дека ништо од ова не ми беше лесно. Доналд Трамп ширеше расистички лаги за мојот сопруг што го доведе во опасност моето семејство. Тоа не беше нешто што бев подготвена да го простам. Но, знаев дека, за доброто на нашата земја, морам да најдам сила и зрелост да го оставам гневот настрана. Затоа, ја поздравив Меланија Трамп во Белата куќа и разговарав со неа за моето искуство, одговарајќи на секое прашање што го имаше – од зголемениот надзор што доаѓа со тоа да се биде прва дама, до тоа како е да се одгледуваат деца во Белата куќа “.

Зошто Меланија Трамп, наводно, не направила вакво нешто за Џил Бајден – или воопшто и се обратила до неа – е нејасно. Но, според написот на Си-Ен-Ен, во последно време има неколку погрешни комуникации во Белата куќа. Извор вели дека првата дама не била сигурна дали ќе присуствува на инаугурацијата на Бајден се додека претседателот Трамп не објави на Твитер дека нема да присуствува. „Не е прв пат таа да дознае што прави нејзиниот сопруг откако тој ќе ги објави твитовите“, рече изворот. (Гламур)