„Мегалополис“ на Копола по Кан доаѓа во Скопје, еве кога

МЕГАЛОПОЛИС,  долгоочекуваниот филм на легендарниот режисер, познат по трилогијата Кум, оскаровецот Френсис Форд Копола, со Адам Драјвер, Џон Војт, Дастин Хофман, во главните улоги, кој носи амбициозна визија за иднината на урбаното живеење и за општествениот напредок, доаѓа во Скопје, во Кинотека, на 1 и 2 октомври. Ова дело го зазема своето место меѓу најголемите проекти на Копола, што предизвика огромен интерес и нетрпение кај филмофилите, особено поради тоа што доаѓа од автор кој  има создадено некои од најзначајните филмови на 20 век. Годинава, на филмскиот фестивал во Кан доби неколкуминутни овации.